«Մանչեսթեր Յունայթեդը» շարունակում է բանակցություններ վարել Մադրիդի «Ռեալի» հետ «Արքայական ակումբի» ֆրանսիացի պաշտպան Ռաֆայել Վարանի տրանսֆերի վերաբերյալ:
Sky Sports-ի հաղորդմամբ՝ մանկունիական ակումբը «Ռեալից» Ռաֆայել Վարանի հետ անհատական պայմանագիր կնքելու բանակցությունների պաշտոնական թույլտվություն է ստացել:
Եթե Վարանն ու «Մանչեսթեր Յունայթեդը» համաձայնեցնեն անհատական պայմանագրի կետերը, անգլիական ակումբին կմնա միայն «Ռեալի» հետ տրանսֆերային արժեքի շուրջ համաձայնության գալը:
Աղբյուրը միաժամանակ նշում է, որ Ռաֆայել Վարանի ներկայացուցիչների հետ կապ է հաստատել ՊՍԺ-ն: «Մանչեսթեր Յունայթեդը» ցանկանում է ամեն գնով հեռու պահել Վարանին ֆրանսիական ակումբից, որպեսզի չկրկնվի այն, ինչ եղավ Ռամոսի դեպքում 2015 թվականին: Այդ ժամանակ իսպանացին մոտ էր մանկունիական ակումբ տեղափոխությանը, սակայն «Ռեալն» ավելի շահավետ պայմանագիր առաջարկեց, ու Ռամոսը մնաց «Արքայական ակումբում»:
Վարանի ու «Ռեալի» միջև գործող պայմանագրի ժամկետը լրանում հաջորդ ամռանը: «Մանչեսթեր Յունայթեդը» ցանկանում է հնարավորին չափ իջեցնել ֆրանսիացու տրանսֆերային արժեքը, քանի որ հասկանում է, որ Վարանը հաջորդ ամռանը «Ռեալից» կարող է հեռանալ անվճար:
