«Սևանի» պորտուգալացի 20-ամյա դարպասապահ Դիոգո Ֆիգերեդոն կամ պարզապես Դիդին շատ հաջող է սկսել իր մրցելույթները VBET Հայաստանի Պրեմիեր լիգայի հոբելյանական առաջնությունում: Օգոստոսի 13-ին «Նորավանքի» հետ խաղում նշելով նորամուտը VBET ՀՊԼ-ում, Ֆիգերեդոն դարպասն անառիկ պահեց: Հաջորդ երկու հանդիպումներում էլ «Արարատի» և «Ալաշկերտի» ֆուտբոլիստներին չհաջողվեց խոցել պորտուգալացու պաշտպանած դարպասը:

Այսպիսով, Դիոգո Ֆիգերեդոն արդեն 270 րոպե շարունակ դարպասն անառիկ է պահել: Դա ոչ միայն ընթացիկ առաջնությունում լավագույն արդյունքն է, այլև ռեկորդային ցուցանիշ է ՀՀ առաջնություններում հանդես եկած այլազգի 20-ամյա դարպասապահների շրջանում: Ֆիգերեդոն գերազանցեց Անատոլի Այվազովի տարիքային ռեկորդը: Վերջինս 2016թ. 20 տարեկանում պաշտպանելով «Շիրակի» դարպասը, 259 րոպե շարունակ առաջնությունում գոլ բաց չէր թողել:

Դիոգո Ֆիգերեդոն լավ հնարավորություն ունի բարելավելու նաև 20 տարեկանների տարիքային բացարձակ ռեկորդը: Այն պատկանում է «Փյունիկի» նախկին դարպասապահ Արսեն Պետրոսյանին, որը 2011թ. 20 տարեկանում դարպասը 405 րոպե շարունակ անառիկ էր պահել:

Դժվար է գուշակել, թե արդյոք կհաջողվի՞ «Սևանի» դարպասապահին դառնալ տարիքային բացարձակ ռեկորդի հեղինակ: Դրա համար Ֆիգերեդոյին անհրաժեշտ կլինի առաջիկա երկու խաղերում դարպասն առնվազն 136 րոպե անառիկ պահել:

Մեր ընտրանին

• Բուչնևը` հայկական արմատների և Հայաստանի հավաքական հնարավոր հրավերի մասին

• «Ալաշկերտին» 286 րոպե շարունակ չի հաջողվում գրավել շոտլանդական ակումբների դարպասը

• «Արարատ-Արմենիայի» նոր ռեկորդակիրը․ Կոբյալկոն այլևս ակումբի պատմության լավագույն ռմբարկուն չէ

VNews.am-ը ներկայացնում է դարպասն անընդմեջ անառիկ պահած րոպեների քանակով այլազգի դարպասապահների տարիքային ռեկորդները:

Միացի՛ր հայկական ամենասպորտային Instagram-ին: