«Լիլի» կիսապաշտպան Ռենատու Սանշեշը կարիերան կշարունակի «Միլանում»՝ հայտնում է Calciomercato-ն:
Աղբյուրի հաղորդմամբ՝ կողմերը համաձայնության են հասել 24-ամյա ֆուտբոլիստի տեղափոխության հարցում: Գործարքի արժեքը կազմելու է 25 մլն եվրո՝ ներառյալ բոնուսները:
Հիշեցնենք, որ 2016 թվականին Պորտուգալիայի հավաքականի կազմում Սանշեշը դարձել էր Եվրոպայի չեմպիոն:
Նրա՝ ֆրանսիական թիմի հետ գործող պայմանագրի ժամկետը նախատեսված է մինչև 2023 թվականի հունիսի 30-ը:
Ընթացիկ մրցաշրջանում «Լիլի» կազմում Սանշեշն անցկացրել է 30 հանդիպում՝ դառնալով 2 գոլի և 5 ասիստի հեղինակ: