«Criterion Collection»-ը նյույորքյան կազմակերպություն է, որը զբաղվում է դասական ֆիլմերի վերականգնմամբ և տարածմամբ։ Կազմակերպության արխիվում առկա են ինչպես համաշխարհային ճանաչում ունեցող ժապավեններ, այդպես էլ նեղ, արտհաուսային նմուշներ։ Criterion-ի մեծ երկրպագու է ժամանակակից ամերիկյան հեղինակային կինոյի կարևորագույն հեղինակ, սցենարիստ, հայտնի էսթետ և վիզուալ արվեստի մեծ երկրպագու Ուես Անդերսոնը։ Ռեժիսորը նամակ է գրել կազմակերպությանն ու պատմել, թե ինչ հին ֆիլմեր է հասցրել դիտել ինքնամեկուսացման շրջանում։
«Աննա–Մարիա» / “Anne-Marie”, Ռայմոն Բերնար, 1936
«Ռայմոն Բերնար», «Աննա Մարիա», որի սցենարը գրել է Անտուան դը Սենտ–Էքզյուպերին։ Երբեք չէի լսել այս ֆիլմի մասին»։
«Թշվառները» / “Les misérables”, Ռայմոն Բերնար, 1934
«Իսկ «Թշվառները» գլուխգործոց է։ Պաշտում եմ Հարի Բաուրին այս ֆիլմում»։
«Փայտե խաչերը» / “Les croix de bois”, Ռայմոն Բերնար, 1932
«Գումարած «Փայտե խաչերը»»։
«Քաղաքից դուրս» / “The Out of Towners”, Արթուր Հիլեր, 1969
«Բացի այդ երբեք չէի տեսել Արթուր Հիլերի «Քաղաքից դուրս»-ը։ Այս ֆիլմը հիանալի ժամանակի մեքենա է»։
«Երջանկության ետևից» / “…And the Pursuit of Happiness”, Լուի Մալ, 1986
«Վերանայում եմ Լուի Մալի վավերագրական ֆիլմերը։ Հատկապես՝ «Երջանկության ետևիցը»»։
«Հրեշտակն իմ սեղանի շուրջ» / “An Angel at My Table”, Ջեյն Քեմփիոն, 1990
«Քանի՞ անգամ կարող եմ նայել «Հրեշտակն իմ սեղանի շուրջ» ֆիլմը»։
p.s.
«Մեր բախտն անչափ բերել է, որ մեզ մշտապես հասանելի է այս կինեմատոգրաֆիկ Լուվրը»,– հայտնել է Անդերսոնը նամակում։
