«Սալերնիտանայի» կիսապաշտպան Ֆրանկ Ռիբերին խոսել է «Բավարիայի» հարձակվող Ռոբերտ Լևանդովսկիի մասին։
«Ռոբերտն ամեն օր շատ և պրոդուկտիվ աշխատում է։ Նրա գոլերը ոչ միայն տաղանդի, այլ նաև մեծ պրոֆեսիոնալիզմի արդյունք են։ Նա իսկական ռոբոտ է։ Նա չեմպիոն է ու արժանի էր «Ոսկե գնդակին»՝ 2021 թվականի արդյունքներով»,- Ռիբերիի խոսքն է հաղորդում Tuttosport-ը։
Ավելի վաղ հայտնի էր դարձել, որ Լևանդովսկիի ու «Բավարիայի» ղեկավարության հարաբերությունները սրված են, և նա որոշել է ընթացիկ մրցաշրջանի ավարտից հետո լքել մյունխենյան ակումբը։
Լեհ հարձակվողը Բունդեսլիգայի այս մրցաշրջանում անցկացրած 28 խաղում խփել է 31 գոլ ու կատարել 1 գոլային փոխանցում։