«Բավարիայի» հարձակվող Ռոբերտ Լևանդովսկին խոսել է 2014 թվականին Դորտմունդի «Բորուսիայից» մյունխենյան ակումբ տեղափոխվելու մասին։
Լեհ ֆուտբոլիստը մյունխենյան գրանդ է տեղափոխվել ազատ գործակալի կարգավիճակով։
«Ես ցանկանում էի գնալ «Բավարիա», որպեսզի մրցեմ ամենաբարձր մակարդակում և նվաճեմ ամենակարևոր գավաթները:
Երբ իմացա, որ «Բավարիան» հետաքրքրված է ինձնով, ինձ համար ակնհայտ դարձավ, որ ցանկանում եմ այնտեղ հանդես գալ:
Սա ընդամենը մեկ քայլ առաջ էր, բայց ես գիտեի, որ հիմա պետք է ավելին ցույց տամ:
«Բավարիայում» առաջին իսկ օրվանից հասկացա, որ նման թիմակիցների հետ ամեն օր կառաջադիմեմ:
2-3 ամիս անց ես արդեն զգացի, որ ավելի լավ խաղացող եմ դարձել»,- Լևանդովսկիի խոսքը մեջբերում է ՈՒԵՖԱ-ի մամուլի ծառայությունը:
