«Բարսելոնայի» պաշտպան Կլեման Լանգլեն, որը, ըստ տեղական մամուլի, տրանսֆերի է հանվել, հետաքրքրել է «Ռոմային»։ Հռոմեական ակումբի գլխավոր մարզիչ Ժոզե Մոուրինյոն ցանկանում է ուժեղացնել թիմի պաշտպանության գիծը՝ հաղորդում է Mundo Deportivo-ն։
Կատալոնական ակումբում կենտրոնական պաշտպանի դիրքը կլրացնի Անդրեաս Քրիստենսենը, որն առաջիկա օրերին ազատ գործակալի կարգավիճակ կստանա:
«Կապտանռնագույնները» նոր ֆուտբոլիստների թիմ հրավիրելու համար պետք է ազատվեն որոշ խաղացողներից, դրա համար էլ Լանգլեն ամառային տրանսֆերային պատուհանի ժամանակ ակումբը լքելու հիմնական թեկնածուներից է։
Ավելի վաղ հայտնի է դարձել, որ նրա ծառայություններով հետաքրքրված են «Մարսելն» ու «Տոտենհեմը»:
