Իտալիայի Ա Սերիայի 37-րդ տուրի՝ «Վենեցիայի» դեմ տնային խաղում (1:1) «Ռոմայի» հայտացուցակից բացակայել են իտալացի կիսապաշտպան Նիկոլո Ձանիոլոն և գանացի հարձակվող Ֆելիքս Աֆենա-Գյանը: Il Tempo պարբերականի հաղորդմամբ՝ 2 խաղացողներն էլ թեթև անհարմարություն են զգացել:
Պարբերականը նշում է, որ կադրային նոր խնդիրների պարագայում «Ռոմայի» բժշկական անձնակազմը կփորձի արագացնել թիմի հայ կիսապաշտպան Հենրիխ Մխիթարյանի ապաքինման գործընթացը, որպեսզի 33-ամյա ֆուտբոլիստը պատրաստ լինի մայիսի 25-ին կայանալիք ՈՒԵՖԱ-ի Կոնֆերենցիաների լիգայի եզրափակիչին: Մխիթարյանն աջ ազդրի մկանային վնասվածքի պատճառով բաց է թողել հռոմեական թիմի անցկացրած վերջին 4 հանդիպումը:
Հիշեցնենք՝ մայիսի 25-ին Ալբանիայի մայրաքաղաք Տիրանայում Կոնֆերենցիաների լիգայի անդրանիկ խաղարկության գավաթը կվիճարկեն «Ռոման» և նիդեռլանդական «Ֆեյենորդը»:
