«Ռեալը» կարող է կիսապաշտպան Ռեյնիերին կրկին հանձնել վարձակալության։
20-ամյա բրազիլացի ֆուտբոլիստի ծառայություններով հետաքրքրված է «Ռոման»՝ հաղորդում է La Gazetta dello Sport-ը։
Այնուամենայնիվ, երիտասարդ խաղացողին թիմ հրավիրելու համար իտալական ակումբն ստիպված կլինի բաժանվել իր ֆուտբոլիստներից մեկից։
Transfermarkt-ը Ռեյնիերի տրանսֆերային արժեքը գնահատում է 8 մլն եվրո:
Հավելենք՝ Ռեյնիերը 2020 թվականից վարձակալությամբ խաղում է Դորտմունդի «Բորուսիայում»: Վարձակալական պայմանագրի ժամկետը լրանում է 2022 թվականի հունիսի 30-ին: «Արքայական ակումբը» ֆուտբոլիստի տրանսֆերային իրավունքը ձեռք է բերել 2020 թվականին «Ֆլամենգոյից»՝ վճարելով 30 մլն եվրո:
2021-22 մրցաշրջանում բրազիլացին դորտմունդյան ակումբում մասնակցել է Բունդեսլիգայի 13 խաղի, արդյունավետ գործողությամբ (գոլ, գոլային փոխանցում) աչքի չի ընկել:
