Միլանի «Ինտերը» պատրաստվում է հաջորդ շաբաթ պաշտոնապես հայտարարել «Չելսիի» հարձակվող Ռոմելու Լուկակուի տեղափոխության մասին՝ հայտնում է ինսայդեր Նիկոլո Սկիրան: Աղբյուրի համաձայն՝ «ներաձուրիները» բելգիացու համար արդեն բուժզննում են նշանակել Humanitas կլինիկայում։
Նշվում է, որ «Ինտերը» ցանկանում է այսօր վերջնական համաձայնության գալ Լոնդոնի «Չելսիի» հետ, որպեսզի հաջորդ շաբաթ երկրպագուներին ներկայացնի Լուկակուին։
Հաղորդվում է, որ բելգիացին վարձավճարով կխաղա «Ինտերում», որի համար լոնդոնցիները կստանան 12 միլիոն եվրո:
Լուկակուն 2019-2021 թվականներին խաղացել է «Ինտերում», որտեղից էլ վերադարձել է «Չելսի»: Լուկակուի՝ «թոշակառուների» հետ պայմանագիրը գործում է մինչև 2026 թվականի ամառ:
2021/2022 մրցաշրջանում 29-ամյա հարձակվողը «Չելսիի» կազմում մասնակցել է 44 հանդիպման, խփել է 15 գոլ և կատարել 2 ասիստ: Transfermarkt-ը Բելգիայի հավաքականի ֆուտբոլիստի տրանսֆերային արժեքը գնահատում է 70 միլիոն եվրո:
