«Բարսելոնայի» և Բրազիլիայի հավաքականի նախկին կիսապաշտպան Ռոնալդինյոն խոստովանել է, որ Պրեմիեր լիգայում իր սիրելի ակումբը «Լիվերպուլն» է։
«Դժվար է մեկ թիմի ընտրելը, քանի որ ինձ դուր են գալիս տարբեր թիմերից ֆուտբոլիստներ, բայց, այնուամենայնիվ, ես կընտրեմ «Լիվերպուլը»։ Մերսիսայդյան ակումբի հարձակման գծի խաղին ինձ, իրոք, հաճելի է հետևել»,- Ռոնալդինյոյի խոսքն է հաղորդում Mirror-ը։
Հավելենք, որ «Լիվերպուլը» 92 միավոր վաստակեց Պրեմիեր լիգայի 2021/22 մրցաշրջանում և զբաղեցրեց 2-րդ հորիզոնականը։ Երկրի չեմպիոն հռչակվեց «Մանչեսթեր Սիթին»։