Աշխարհի կրկնակի չեմպիոն, Բրազիլիայի հավաքականի նախկին ֆուտբոլիստ Ռոնալդոն լրագրողների հետ զրույցում ասել է, որ Մադրիդի «Ռեալի» հարձակվող Կարիմ Բենզեման արժանի է «Ոսկե գնդակին»:
«Նա արժանի է «Ոսկե գնդակին». ես տարիներ շարունակ ասել եմ, բայց ինձ քննադատել են: Նա արժանի է այդ մրցանակին, նա հիանալի հարձակվող է»,- Ռոնալդոյի խոսքը մեջբերում է Marca-ն:
Մադրիդյան ակումբի հարձակվողն իրեն հիանալի է դրսևորել Չեմպիոնների լիգայի քառորդ եզրափակիչի՝ «Չելսիի» հետ երկխաղյա դիմակայությունում՝ դառնալով 4 գոլի հեղինակ:
Ընդհանուր առմամբ՝ ընթացիկ մրցաշրջանում 34-ամյա ֆրանսիացի ֆուտբոլիստը բոլոր մրցաշարերում անցկացրել է 38 հանդիպում, խփել 38 գոլ և կատարել 13 գոլային փոխանցում:
