ԱՊԼ-ի ընթացիկ մրցաշրջանի 32-րդ տուրում «Էվերթոնը» «Գուդիսոն Պարկում» նվազագույն հաշվով հաղթեց «Մանչեսթեր Յունայթեդին»:
Խաղից հետո՝ հանդերձարան գնալիս, հյուրերի հարձակվող Կրիշտիանու Ռոնալդուն կոտրել է երկրպագուներից մեկի հեռախոսը, ով այդ պահին նկարահանում էր անում:
Ավելի ուշ «Ոսկե գնդակի» հնգակի դափնեկիրն ինստագրամյան գրառմամբ անդրադարձել է իր էմոցիոնալ պահվածքին.
«Երբեք հեշտ չի լինում էմոցիաները կառավարելը այնպիսի դժվարին պահերին, ինչպիսին այսօր էր: Բոլոր դեպքերում, պետք է հարգանք և համբերություն ցուցաբերենք՝ օրինակ ծառայելով երիտասարդությանը: Ցանկանում եմ ներողություն խնդրել իմ էմոցիոնալ պահվածքի համար և, եթե հնարավոր է, այդ երկրպագուին հրավիրել «Օլդ Թրաֆորդ»՝ դիտելու «Մանչեսթեր Յունայթեդի» հանդիպումը՝ ի նշան արդար խաղի և մարզական պահվածքի»,- գրել է պորտուգալացին Instagram-ում:
Նշենք, որ «կարմիր սատանաները» զբաղեցնում են ԱՊԼ-ի մրցաշարային աղյուսակի 7-րդ հորիզոնականը:
#MUFC are looking into an incident involving Cristiano Ronaldo and what eyewitnesses say was a mobile phone hitting the ground after his side's defeat at Goodison Park.
— Sky Sports News (@SkySportsNews) April 9, 2022
[🎥] @EvertonHub pic.twitter.com/sZs1jnnUja