«Մանչեսթեր Յունայթեդի» և Պորտուգալիայի հավաքականի հարձակվող Կրիշտիանու Ռոնալդուն կարող է տեղափոխվել Մայամիի «Ինտեր»՝ հայտնում է The Mirror-ը:
Աղբյուրի փոխանցմամբ՝ ակումբի սեփականատեր Դևիդ Բեքհեմն արդեն քննարկել է 37-ամյա պորտուգալացու հետ հնարավոր տեղափոխությունը, սակայն հարձակվողը դեռ չի կողմնորոշվել, թե որտեղ է շարունակելու կարիերան։
Ռոնալդուն «Մանչեսթեր Յունայթեդ» է տեղափոխվել անցյալ ամռանը Թուրինի «Յուվենտուսից»:
Մանկունիանցիների կազմում հարձակվողն ընթացիկ մրցաշրջանում անցկացրել է 28 հանդիպում՝ դառնալով 18 գոլի և 3 գոլային փոխանցման հեղինակ։ Պորտուգալացու պայմանագիրը «կարմիր սատանաների» հետ նախատեսված է մինչև 2023 թվականի ամառ: