«Մանչեսթեր Յունայթեդի» և Պորտուգալիայի ազգային հավաքականի հարձակվող Կրիշտիանու Ռոնալդուն շարունակում է խորհել իր ապագայի շուրջ՝ հաղորդում է ESPN-ը։ Աղբյուրի հաղորդմամբ՝ հարձակվողը կարող է ամռանը լքել անգլիական ակումբը։

«Կարմիր սատանաների» հետ նրա գործող պայմանագիրն ուժի մեջ է մինչև 2023 թվականը, բայց պորտուգալացին դեռ չի որոշել՝ որտեղ է անցկացնելու հաջորդ մրցաշրջանը։

Ընթացիկ մրցաշրջանում Ռոնալդուն «Մանչեսթեր Յունայթեդի» կազմում անցկացրած 33 խաղում դարձել է 18 գոլի ու 3 գոլային փոխանցման հեղինակ։