«Մանչեսթեր Յունայթեդի» հարձակվող Կրիշտիանու Ռոնալդուն մտածում է ակումբից հեռանալու մասին՝ տեղեկացնում է AS-ը: Պորտուգալացուն անհանգստացնում է ակումբի պասիվ տրանսֆերային քաղաքականությունը:
Կրիշտիանուի համբերության բաժակը լցվել է այն բանից հետո, երբ ակումբի ղեկավարությունը բոլոր ուժերը կենտրոնացրել է՝ միմիայն «Բարսելոնայի» կիսապաշտպան Ֆրենկի դե Յոնգի տրանսֆերային իրավունքը ձեռք բերելու համար:
Պորտուգալացին վստահ է, որ «Մանչեսթեր Յունայթեդին» անհրաժեշտ է տրանսֆերներ կատարել ձախողված մրցաշրջանից հետո: «Մանչեսթեր Յունայթեդը» Պրեմիեր լիգայի 2021/2022 մրցաշրջանն ավարտել է 6-րդ տեղում՝ ձեռք բերելով Եվրոպա լիգայի խմբային փուլի ուղեգիր:
Ավելի վաղ հաղորդվում էր, որ Ռոնալդուի գործակալ Ժորժե Մենդեշը կապ կհաստատի պորտուգալացի հարձակվողի նախկին ակումբի՝ «Յուվենտուսի» ղեկավարների հետ՝ բանակցելու ֆուտբոլիստի հնարավոր վերադարձի շուրջ: Կրիշտիանուի պայմանագիրն անգլիական ակումբի հետ գործում է մինչև 2023 թվականի ամառ: