«Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն պատասխանել է իր նախկին թիմակից Ուեյն Ռունիի քննադատությանը։
Ռոնալդուն սոցիալական ցանցերում գրառում է է կատարել Ռունիի և Ջեյմի Կարագերի համատեղ լուսանկարի մեկնաբանություններ բաժնում։
37-ամյա պորտուգալացին գրել է, որ անգլիացի 2 նախկին խաղացողներն էլ պարզապես նախանձում են իրեն։
Ավելի վաղ Ռունին քննադատել էր Ռոնալդուի խաղը և նշել, որ պորտուգալացին այլևս նախկինը չէ:
Ընթացիկ մրցաշրջանում Կրիշտիանու Ռոնալդուն Անգլիայի Պրեմիեր լիգայում անցկացրել է 24 հանդիպում և դարձել 12 գոլի հեղինակ։