Տհաճ միջադեպ է եղել Լա լիգայի 35-րդ տուրում կայացած մադրիդյան դերբիի ընթացքում:
«Ատլետիկո» - «Ռեալ» խաղի ընթացքում անվտանգության աշխատողները «Վանդա Մետրոպոլիտանո» ստադիոնի տրիբունայից հեռացրել են Ռոնալդուի մարզաշապիկով երեխային և նրա հորը: Միջադեպը ֆիքսել է «Movistar+»-ի տեսախցիկը:
Ավելի ուշ «Ատլետիկոյի» մամուլի ծառայությունը բացատրել է իրավիճակն ու հայտնել, որ երեխայի հայրն ակնհայտ սադրանքների է դիմել, որոշ ժամանակ անց էլ վիճել է տանտերերի երկրպագուների հետ:
Հիշեցնենք, որ հանդիպումն ավարտվել էր Սիմեոնեի սաների՝ նվազագույն հաշվով հաղթանակով: