Գերմանացի պաշտպան Անտոնիո Ռյուդիգերը The Players' Tribune-ի իր սյունակում հրապարակում է արել «Չելսիից» հեռանալու վերաբերյալ:
«Բիզնեսը բիզնես է մնում, բայց երբ օգոստոսից մինչև հունվար ակումբից նորություն չկա, իրավիճակն ավելի է բարդանում։ Առաջին առաջարկից հետո երկար ընդմիջում եղավ։ Գիտեք... Մենք ռոբոտ չենք: Չես կարող սպասել այն ժամանակ, երբ ամիսներ շարունակ անվստահ ես քո ապագայի հարցում:
Ակնհայտ է, որ ոչ ոք չէր կանխատեսում գալիք պատժամիջոցները, բայց ի վերջո այլ մեծ ակումբներ հետաքրքրություն ցուցաբերեցին, և ես ստիպված էի որոշում կայացնել: «Չելսին» միշտ կմնա իմ սրտում, Լոնդոնը միշտ կլինի իմ տունը»,- մասնավորապես գրել է Ռյուդիգերը:
Ավելի վաղ հաղորդվում էր, որ Անտոնիոն պայմանագիր է համաձայնեցրել Մադրիդի «Ռեալի» հետ: Ֆուտբոլիստի՝ «Չելսիի» հետ գործող պայմանագրի ժամկետը կավարտվի հունիսին: Այս մրցաշրջանում Ռյուդիգերը Պրեմիեր լիգայում անցկացրել է 33 խաղ՝ դառնալով 3 գոլի հեղինակ։