«Ռեալն» ու Չելսիի պաշտպան Անտոնիո Ռյուդիգերը պայմանագիր են կնքել:
Ինսայդեր Ֆաբրիցիո Ռոմանոն հայտնում է, որ գործարքը կայացած է, սակայն դրա մասին «Արքայական ակումբը» կհայտնի Չեմպիոնների լիգայի եզրափակիչից հետո: Ռյուդիգերը Մադրիդ կտեղափոխվի ազատ գործակալի կարգավիճակով:
Կողմերի միջև կնքված պայմանագիրը նախատեսված է մինչև 2026 թվականի հունիսի 30-ը, ժամկետն ավտոմատ կերպով երկարաձգելու հավելյալ կետ չի պարունակում: Հրաժարագինը կազմում է 400 մլն եվրո:
Նշվում է, որ գործարքի կայացմանը մեծապես նպաստել է «սերուցքայինների» գլխավոր մարզիչ Կառլո Անչելոտին: Իտալացի մասնագետը պնդել է, որ գերմանացի պաշտպանը կարող է առանցքային խաղացող լինել «Ռեալի» համար:
Ընթացիկ մրցաշրջանում «ազնվականների» կազմում 29-ամյա պաշտպանն անցկացրել է 50 հանդիպում՝ դառնալով 5 գոլի և 4 ասիստի հեղինակ:
Հիշեցնենք, որ Չեմպիոնների լիգայի եզրափակիչում «Ռեալը» հանդիպելու է «Լիվերպուլին» (մայիսի 28, Փարիզ):