ՈՒԵՖԱ-ն ու ՖԻՖԱ-ն Ռուսաստանին հեռացրել են բոլոր միջազգային մրցաշարերից:
Ինչպես հաղորդում է ՈՒԵՖԱ-ի պաշտոնական կայքը, խոսքը վերաբերում է և՛ Ռուաստանի հավաքականին, և' եվրագավաթներում հանդես եկող ռուսական թիմերին: Որոշումը գործելու է հայտարարությունը տարածելու պահից:
BBC-ի լրագրող Սայմոն Սթոունն էլ նշել է, որ Եվրոպական ֆուտբոլային ասոցիացիաների միությունը նաև խզել է պայմանագիրը «Գազպրոմի» հետ:
Հիշեցնենք, որ նախորդ տարվա մայիսին ռուսական էներգետիկ ընկերությունը երկարաձգել էր պայմանագիրը ՈՒԵՖԱ-ի հետ՝ դառնալով 2 Եվրոպայի առաջնության հովանավոր, ինչպես նաև շարունակելով գործակցությունը Չեմպիոնների լիգայի հետ (մինչև 2024 թվականը):
Ըստ տարբեր գնահատականների՝ գործարքը մոտ 40 մլն եվրո էր բերելու Եվրոպական ֆուտբոլային ասոցիացիաների միությանը:
