«Ինտերի» հարձակվող Ռոմելու Լուկակուն տեղափոխվում է «Չելսի»։ Առաջիկա օրերին ակումբները պաշտոնապես հայտարարելու են տրանսֆերի մասին։
Ֆուտբոլային ինսայդեր Ֆաբրիցիո Ռոմանոն Twitter-ի իր էջում գրում է, որ բելգիացի խաղացողն այսօր Միլանում բուժզննում է անցել «Չելսիի» համար։ Ռոմանոն վստահեցնում է, որ լուրը 100 տոկոսով համապատասխանում է իրականությանը։
Այս պահին Լուկակուն իր մտերիմների հետ պլանավորում է թռիչքը Լոնդոն, ինչից հետո ակումբները կհայտարարեն տրանսֆերի մասին։
«Չելսին» մոտ 115 միլիոն եվրո է վճարելու գործարքի համար։