Պորտուգալիայի հավաքականի առաջատար Կրիշտիանու Ռոնալդուն խոսել է գալիք Եվրոպայի առաջնության մասին:
«Մենք հարգում ենք բոլոր հավաքականներին, ու հեշտ խաղեր չեն լինելու:
Այնպիսի տպավորություն է, կարծես առաջին անգամ եմ մասնակցելու Եվրոպայի առաջնությանը: Մոտիվացված եմ այնպես, ինչպես 2004 թվականին: Գուցե նույնիսկ ավելի շատ եմ մոտիվացված:
Մենք գործող չեմպիոնն ենք ու կրկին հավակնորդների թվում ենք: Հաղթանակի վերաբերյալ կանխատեսումներ անելու իմաստ չկա: Ես կարող եմ միայն խոստանալ, որ բոլոր խաղերում մենք կպայքարենք հաղթանակի համար»,- ասել է Ռոնալդուն, որի խոսքն է մեջբերում 360 ամսագիրը:
Պորտուգալիայի հավաքականի մրցակիցները խմբային փուլում Գերմանիայի, Ֆրանսիայի ու Հունգարիայի հավաքականներն են:
