Զինեդին Զիդանը կարող է փոխարինել Ուլե Գունար Սուլշերին «Մանչեսթեր Յունայթեդի» գլխավոր մարզչի պաշտոնում:
El Chiringuito-ի տեղեկություններով՝ մանկունիական ակումբն արդեն կապ է հաստատել ֆրանսիացի մասնագետի հետ:
Նշվում է, որ Զիդանի թեկնածությունն առաջարկել է «կարմիր սատանաների» հարձակվող Կրիշտիանու Ռոնալդուն: Պորտուգալացին Զիզուի գլխավորությամբ աշխատել է Մադրիդի «Ռեալում»:
Հիշեցնենք, որ Զիդանը 2020-21 մրցաշրջանի ավարտին «Ռեալից» հեռանալուց հետո մինչև այժմ ազատ գործակալի կարգավիճակում է: