Մադրիդի «Ռեալի» պորտուգալացի հարձակվող Կրիշտիանու Ռոնալդուն, ով վնասվածքի պատճառով չմասնակցեց Չեմպիոնների լիգայի կիսաեզրափակիչի «Մանչեսթեր Սիթի» – «Ռեալ Մադրիդ» առաջին հանդիպմանը, չի կարողանա մասնակցել նաև Իսպանիայի առաջնության շրջանակում «Ռեալ Սոսյեդադի» դեմ առաջիկա խաղին՝ հաղորդում է իսպանական Marca-ն:
Պորտուգալացին բուժզննում է անցել, որից պարզ է դարձել, որ դեռևս չի ապաքինվել ազդրի մկանային վնասվածքից:
«Արքայական» ակումբը չի պատրաստվում ռիսկի դիմել մանկունյանցիների դեմ պատասխան խաղից առաջ:
