«Յուվենտուսի» հարձակվող Կրիշտիանու Ռոնալդուն մտադիր է ամռանը փոխել ակումբը: La Gazzetta dello Sport-ը վստահեցնում է, որ պորտուգալացին իր գործակալ Ժորժե Մենդեշին հրահանգել է իր համար նոր թիմ գտնել:
Այն բանից հետո, երբ Մադրիդի «Ռեալի» նախագահ Ֆլորենտինո Պերեսը հայտարարեց, որ 36-ամյա ֆուտբոլիստը չի վերադառնալու «արքայական ակումբ», ռմբարկուի տրանսֆերի գլխավոր ֆավորիտ է դարձել «Մանչեսթեր Յունայթեդը»: Նա այդ ակումբի կազմում է հանդես եկել 2003-2009 թվականների ընթացքում:
Աղբյուրը պնդում է, որ «Յուվենտուսից» հեռանալու դեպքում Ռոնալդուն պետք է աշխատավարձի նվազման գնալ: Հիմա նա ստանում է մաքուր (հարկերը վճարելուց հետո) 31 մլն եվրո:
Հարձակվողի գործող պայմանագիրը նախատեսված է մինչև 2022 թվականի հուլիսը:
«36-ամյա հրաշամանուկը». ամենաուշագրավ փաստերը՝ Կրիշտիանու Ռոնալդուի մասին
