Չեմպիոնների լիգայի 1/8 եզրափակիչ հանդիպումները շարունակվում են: Երեքշաբթի օրը կայացավ ևս երկու ֆանտաստիկ խաղ՝ բազում գոլերով, ռեկորդներով ու վիճակագրությամբ: Ներկայացնում ենք «Յուվենտուս»-«Ատլետիկո» և «Մանչեսթեր Սիթի»-«Շալկե» խաղերի ամենահետաքրքիր փաստերն ու ցուցանիշները:
- 2010/11 մրցաշրջանից հետո առաջին անգամ անգլիական 3 ակումբ դուրս եկավ Չեմպիոնների լիգայի ¼ եզրափակիչ փուլ:
- Դիեգո Սիմեոնեի «Ատլետիկոն» բոլոր՝ 5 դեպքերում, երբ դուրս է մնացել Չեմպիոնների լիգայի փլեյ-օֆֆ փուլից, պարտվել է Ռոնալդուի թիմերին. 2014, 2015, 2016 և 2017 թվականին «Ռեալին», իսկ 2019-ին՝ «Յուվենտուսին»:
- «Շալկեի»՝ 0-7 հաշվով կրած պարտությունն ամենախոշորն էր Չեմպիոնների լիգայի պատմության մեջ գերմանական ակումբների համար:
- Սերխիո Ագուերոն Չեմպիոնների լիգայում իր վերջին 7 խաղում 11 գոլ է խփել գերմանական թիմերին:
- «Ատլետիկոն» Չեմպիոնների լիգայում երբեք ավելի հեռու չի գնացել, քան «Ռեալը», երբ երկու թիմերն էլ միաժամանակ մասնակցել են մրցաշարին:
- Լերոյ Սանեն խփեց իր կարիերայի 50-րդ գոլը, և 7 տարվա դադարից հետո առաջին ֆուտբոլիստն է, ով ՉԼ փլեյ-օֆֆ փուլի մեկ խաղում կատարում է 3 գոլային փոխանցում: Վերջին անգամ դա արել է Ֆրանկ Ռիբերին 2012 թվականին «Բազելի» դեմ խաղում:
- «Յուվենտուսն» իր պատմության մեջ առաջին անգամ Չեմպիոնների լիգայի փլեյ-օֆֆ փուլում դուրս է գալիս հաջորդ փուլ առաջին խաղում 2 գնդակի տարբերությամբ պարտվելուց հետո:
- Ռոնալդուն դարձավ 2-րդ ֆուտբոլիստը Լուիս Ադրիանոյից հետո, որ Չեմպիոնների լիգայում 2 անգամ հեթ-տրիկի հեղինակ է դառնում նույն թիմի դեմ խաղում: Լուիս Ադրիանոն 2 անգամ հեթ-տրիկ է ձևակերպել ԲԱՏԷ-ի հետ խաղում:
