VivaroNews-ն առանձնացրել է դեկտեմբերի 12-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը:
ՀԱՅԱՍՏԱՆ
ՀՖՖ-ն հրապարակել է այն ֆուտբոլիստների ցուցակը, որում հայտնվածները հավակնում են Հայաստանի՝ 2016 թվականի լավագույն ֆուտբոլիստի կոչմանը: Այդ պարգևի համար կմրցակցեն ազգային և երիտասարդական հավաքականներից ընտրված թեկնածուները, ինչպես նաև ակումբներից ներկայացված 5-ական ֆուտբոլիստներ: Բոլոր 6 ակումբները ներկայացրել են իրենց հնգյակները, բացառությամբ «Արարատի»:
ՀՖՖ-ն ևս 8 մարզիչների առաջադրել է տարվա լավագույն մարզչի անվանակարգում:
Ժոզե Մոուրինյո. «Ես հեռուստացույցով դիտել եմ Դենի Ռոուզի սահընկումը Մխիթարյանի հետ դրվագում, դա ինձ վախեցրեց: Ցավոք, Մխիթարյանը բաց է թողնելու մի քանի հանդիպումներ: Հույս ունենք, որ նա կխաղա Սուրբ ծննդյան տոներին: Մենք կարծում ենք, որ դա հնարավոր է»:
VivaroNews.am-ը շարունակում է ամփոփել ՀՀ առաջնության աշնանային հատվածում ակումբների ելույթները: Այս անգամ անդրադարձել ենք առաջնության բրոնզե մրցանակակրին՝ «Փյունիկին»՝ ներկայացնելով 10 փաստ: