VBET Հայաստանի Պրեմիեր լիգայի ներկայացուցիչ «Նորավանքն» իր ֆեյսբուքյան էջում հետևյալ հայտարարությամբ է հանդես եկել․ «Ուրախությամբ տեղեկացնում ենք, որ «Նորավանք» ՍԱ-ը պայմանագիր է կնքել Ռուսաստանի Պրեմիեր Լիգան ներկայացնող «Ռոստով» ՖԱ-ի կենտրոնական հարձակվող՝ Արթուր Սոխիևի հետ։
Արթուրը հանդես է եկել նաև «Եսենտուկի» և Վլադիկավկազի «Սպարտակ» ֆուտբոլային ակումբներում։
«Բարի գալուստ «Նորավանք» մեծ ընտանիք, Արթո՛ւր»,- նշված է հրապարակման մեջ:
Հավելենք, որ Սոխիևը նախորդ տարվա օգոստոսին է տեղափոխվել «Ռոստովի» 2-րդ թիմ, կես տարի խաղացել այնտեղ, իսկ մրցաշրջանի երկրորդ հատվածը վարձավճարով անցկացրել «Եսենտուկի» ակումբում: Նա սեպտեմբերի 27-ին կդառնա 19 տարեկան:
VBET Հայաստանի Պրեմիեր լիգայի նորեկ «Նորավանքն» առաջնության մեկնարկային 5 խաղից հետո վաստակել է 3 միավոր:
«Ալաշկերտը» 2 բրազիլացի նորեկ ունի
