Ավարտվեց ծանրամարտի Եվրոպայի առաջնությունը:
Գերծանր քաշային կարգում Հայաստանը ներկայացնող Գոռ Մինասյանին դեռ պոկում վարժությունից զգացնել տվեց ոտքի վնասվածքը, այնուամենայնիվ նա փոքր բրոնզե մեդալ նվաճեց, իսկ հրում վարժությունում հաջողությամբ կատարեց միայն առաջին մոտեցումը (222 կգ), երկրորդ մոտեցմանը չկարողացավ հրել 234 կգ և հրաժարվեց 3-րդ մոտեցումից: Գյումրեցի ծանրորդը երկամարտի 422 կգ արդյունքով զբաղեցրեց 5-րդ տեղը:
Ռուբեն Ալեքսանյանն էլ իր ամբողջ ունակությունները ցուցադրեց հրում վարժությունում: Նախ իր կամքին ենթարկեց 240 կգ կշռող ծանրաձողը, այնուհետև հաղթող դուրս եկավ 245 կգ կշռող ծանրաձողի հետ պայքարում, 3-րդ մոտեցմանը Ռուբենը դուրս չեկավ ու երկամարտի 440 կգ արդյունքով բրոնզե մեդալ նվաճեց:
Չեմպիոնի կոչումը նվաճեց Լաշա Տալախաձեն (478 կգ), արծաթե մեդալին էլ տիրացավ մեկ այլ վրացի ծանրորդ՝ Իրակլի Տուրմանիձեն (447 կգ):
VNews.am-ը լուսաբանում է ծանրամարտի Եվրոպայի առաջնությունը Բաթումիից: Հետևե՛ք Vivaro News – Armenian Sport էջին՝ բոլոր թարմացումներին ծանոթանալու համար:
- 9
