«Չելսիի» պաշտպան Անտոնիո Ռուդիգերը որոշել է մրցաշրջանի ավարտից հետո փոխել ակումբը:
Ինչպես տեղեկացնում է Marca-ն, գերմանացի պաշտպանի և լոնդոնյան ակումբի բանակցությունները փակուղի են մտել, քանի որ համաձայնություն ձեռք չի բերվում. ֆուտբոլիստը ցանկանում է տարեկան 10 մլն եվրո աշխատավարձ, «Չելսին» առաջարկում է 6.5 մլն:
Ռուդիգերի պայմանագիրն ավարտվում է 2022-ի հունիսին, ինչից հետո նա անվճար կարող է տեղափոխվել այլ ակումբ: 28-ամյա ֆուտբոլիստն ունի կարիերան շարունակելու 2 հիմնական տարբերակ՝ «Բավարիա» կամ «Ռեալ»: