«Բավարիայի» տնօրենների խորհրդի նախկին նախագահ Կառլ-Հայնց Ռումենիգեն խոսել է Դորտմունդի «Բորուսիայի» հարձակվող Էրլինգ Հալանդի մասին:
«Ես գիտեմ, որ Վացկեն իր խոսքի տեր մարդ է: Նա ասաց, որ այս ամառ Էրլինգը չի հեռանա, ու այդպես էլ եղավ: Չնայած դրան՝ հաջորդ ամառ չափազանց բարդ կլինի Հալանդին թիմում պահել:
Ըստ երևույթին՝ ամռանն ակտիվանալու է նրա հրաժարագնի կետը: Հալանդը չի դադարում գոլ խփել: Ակումբներն արդեն կապի միջոցներ են փնտրում նրա ու նրա գործակալի հետ:
Իսկական աճուրդ է լինելու: Հաշվի առնելով այն, որ նրա հրաժարագնի չափը հայտնի է, նրան ձեռք կբերի այն թիմը, որը կառաջարկի ամենաբարձր աշխատավարձը: Չեմ կարծում, թե դա ընդունելի կլինի «Բավարիայի» կամ Բունդեսլիգայի այլ ակումբի համար»,- AS-ը մեջբերում է Ռումենիգեի խոսքը: