Բասկետբոլի տղամարդկանց Հայաստանի ազգային հավաքականը Կարեն Դեմիրճյանի անվան մարզահամերգային համալիրում անցկացված SADA CUP միջազգային մրցաշարում իր վերջին՝ 3-րդ խաղում 57-59 հաշվով պարտվեց Սիրիայի ընտրանուն:
Այս պարտության արդյունքում մրցաշարի անդրանիկ խաղարկության հաղթող դարձավ Իրանի ընտրանին:
Հիշեցնենք, որ առաջին խաղում Ռեքս Քալամյանի գլխավորած Հայաստանի հավաքականը հաղթել էր ԱՄՆ-ի թիմին (94:59), իսկ երկրորդ խաղում՝ Իրանի հավաքականին (77:73):
Շուտով Հայաստանի հավաքականը կմեկնի Մալթա՝ մասնակցելու հունիսի 28-ից հուլիսի 3-ը կայանալիք Եվրոպայի փոքր երկրների առաջնությանը:
