Անգլիայի գավաթը նվաճելուց հետո «Լիվերպուլի» վինգեր Մոհամեդ Սալահը թիմի հանդերձարան է հրավիրել Եգիպտոսի հավաքականի նախկին խաղացող Մոամեն Զաքարիային:
Ժամանակին 34-ամյա Զաքարիան համարվել է իր երկրի լավագույն ֆուտբոլիստներից մեկը: Նա պրոֆեսիոնալ կարիերան ավարտել է 2018 թվականին՝ մինչև այդ 12 խաղ անցկացնելով Եգիպտոսի հավաքականում: 2020 թվականին Զաքարիայի մոտ ախտորոշվել է կողմնային ամիոտրոֆիկ սկլերոզ(ԿԱՍ):
«Լիվերպուլի» խաղացողները գավաթը հանձնել են Մոամենին և նրա հետ տոնել մրցաշրջանում իրենց երկրորդ հաջողությունը: