Անգլիայի պրոֆեսիոնալ ֆուտբոլիստների ասոցիացիան ընտրել է Պրեմիեր լիգայի 2021/2022 մրցաշրջանի լավագույն ֆուտբոլիստին:
Ավարտված մրցաշրջանի լավագույն ֆուտբոլիստ է ճանաչվել «Լիվերպուլի» եգիպտացի հարձակվող Մոհամեդ Սալահը:
A second @PFA Player of the Year award for @MoSalah 🏆😁 pic.twitter.com/4kYPVxUKRV
— Liverpool FC (@LFC) June 9, 2022
Մո Սալահն այս մրցանակը նվաճել էր նաև 2017/2018 մրցաշրջանում: 29-ամյա ֆուտբոլիստն ԱՊԼ-ի ավարտված մրցաշրջանում խփած 23 գոլով լավագույն ռմբարկուի կոչումը կիսել էր «Տոտենհեմի» հարավկորեացի հարձակվող Հյոն Մին Սոնի հետ: Սալահը դարձել էր նաև առաջնության լավագույն ասիստենտ (13 գոլային փոխանցում):
Եգիպտացի ռմբարկուն մրցաշրջանի լավագույն ֆուտբոլիստ էր ճանաչվել նաև լրագրողների և երկրպագուների վարկածով:
ԱՊԼ-ի 2021/2022 մրցաշրջանում «Լիվերպուլն» զբաղեցրել է 2-րդ տեղը: Սալահի՝ «Լիվերպուլի» հետ պայմանագիրը գործում է մինչև 2023 թվականի ամառ: