Անգլիայի գավաթի եզրափակիչի 33-րդ րոպեին խաղադաշտը վնասվածքի պատճառով լքել էր «Լիվերպուլի» վինգեր Մոհամեդ Սալահը:
Հանդիպումից հետո The Telegraph-ի լրագրողը եգիպտացուն հարցրել է՝ արդյոք նա կկարողանա՞ մասնակցել Չեմպիոնների լիգայի եզրափակիչին.
«Իհարկե»,- պատասխանել է 29-ամյա ֆուտբոլիստը:
Հիշեցնենք, որ հանդիպման ընթացքում վնասվածք էր ստացել նաև պաշտպան Վիրջիլ վան Դեյկը: Մերսիսայդցիների գլխավոր մարզիչ Յուրգեն Կլոպը նույնպես վստահ է, որ ֆուտբոլիստները պատրաստ կլինեն «Ռեալի» դեմ խաղին:
«Չեմ զարմանա, եթե Սալահն ու Վան Դեյկը ներկայանան կիրակնօրյա մարզմանը»,- ասել է գերմանացի մասնագետը հետխաղյա ասուլիսին:
Հիշեցնենք, որ «Լիվերպուլ» - «Ռեալ» հանդիպումը կայանալու է մայիսի 28-ին Փարիզում: