«Բավարիայի» մարզական տնօրեն Հասան Սալիհամիջիչը հայտնել է, որ գերմանական ակումբը չի պատրաստվում վաճառել Ռոբերտ Լևանդովսկիի տրանսֆերային իրավունքը։
«Չենք վաճառի Լևանդովսկիին, եթե «Բարսելոնան» 40-50 մլն եվրո առաջարկի։ Դա նշանակում է, որ հաջորդ մրցաշրջանում նա մնում է «Բավարիայում»։ Նրա պայմանագրի ժամկետը նախատեսված է մինչև 2023 թվականը»,- Սալիհամիջիչի խոսքն է հաղորդում լրագրող Ֆաբրիցիո Ռոմանոն։
Ավելի վաղ հաղորդվում էր, որ «Բարսելոնան» լրջորեն դիտարկում է առաջիկա ամառային տրանսֆերային պատուհանի ժամանակ լեհ ֆուտբոլիստով համալրվելու տարբերակը։ 33-ամյա Լևանդովսկին գերմանական ակումբ է տեղափոխվել 2014 թվականին։
Ընթացիկ մրցաշրջանում Լևանդովսկին 43 խաղում խփել է 48 գոլ ու կատարել 6 գոլային փոխանցում։