Գերմանիա, Բունդեսլիգա, Խմբային Փուլ 26 տուր
16 Մայիս 2020 - 17:30
ՏՍԳ 1899 Հոֆենհայմ
Հերտա
0 - 1 Քևին Ակպոգումա (ինքնագոլ) - 58`
0 - 2 Վեդադ Իբիշևիչ - 60`
0 - 3 Մատեուս Սանթոս Կարնեյրու դա Կունյա - 74`
Հայաստանի հավաքականի և «Հոֆենհայմի» ֆուտբոլիստ Սարգիս Ադամյանի՝ խաղադաշտ վերադարձը կարող է հետաձգվել:
Ինչպես տեղեկացնում է Բունդեսլիգայի պաշտոնական կայքը, Ադամյանը, որը վնասվածք ուներ, կարող է բաց թողնել իր թիմի առաջիկա հանդիպումները: Նշվում է, մասնավորապես, որ ֆուտբոլիստի՝ «Հերտայի» դեմ մայիսի 16-ին կայանալիք խաղը մեծ հարցականի տակ է:
Վերջին անգամ Ադամյանը խաղադաշտ էր դուրս եկել փետրվարի սկզբին՝ «Բայերի» դեմ հանդիպմանը։ Սարգիսը փոխարինման էր մտել, սակայն որոշ ժամանակ անց ստիպված փոխարինվել էր վնասվածքի պատճառով։ Նա կոճի շրջանում կրկնակի պատռվածք ուներ։ Այնուհետև, որոշում էր կայացվել դիմել վիրահատական միջամտության, որից հետո Ադամյանը հայտարարել էր, որ դժվար թե, այս մրցաշրջանում կարողանա նորից խաղադաշտ դուրս գալ, սակայն կորոնավիրուսով պայմանավորված դադարն օգնեց ֆուտբոլիստին ժամանակ շահել ու հասցնել նաև մարզումներ անցկացնել: