«Հոֆենհայմի» ֆեյսբուքյան էջը նկար է հրապարակել, որի միջոցով տեղեկացրել է, որ թիմի հունվար ամսվա լավագույն խաղացող է ճանաչվել Հայաստանի հավաքականի կիսապաշտպան Սարգիս Ադամյանը:
Հիշեցնենք, որ գերմանական ակումբն իր պաշտոնական կայքում քվեարկություն էր անցկացրել երկրպագուների միջև, ինչի արդյունքում հաղթող է ճանաչվել Ադամյանը: 26-ամյա ֆուտբոլիստը հունվար ամսվա ընթացքում մասնակցել է 2 հանդիպման ու դարձել 1 գոլի հեղինակ: