Հայաստանի հավաքականի ու «Հոֆենհայմի» հարձակվող Սարգիս Ադամյանը այսօր կվիրահատվի, այս մասին տեղեկացնում է գերմանական ակումբի թվիթերյան պաշտոնական էջը:
Ֆուտբոլիստը խնդիրներ ունի կոճի հետ կապված, այդ պատճառով որոշում է կայացվել դիմել վիրահատական միջամտության:
Ադամյանը կվիրահատվի այսօր Մուրնաուում: Ապաքինման ժամկետների մասին դեռևս տեղեկություն չի հաղորդվում:
Վերջին անգամ Ադամյանը խաղադաշտ էր դուրս եկել այս ամսվա սկզբին՝ «Բայերի» դեմ հանդիպմանը։ Սարգիսը փոխարինման էր մտել, սակայն որոշ ժամանակ անց ստիպված փոխարինվել էր վնասվածքի պատճառով։
Բունդեսլիգայի ընթացիկ մրցաշրջանում 26-ամյա Ադամյանը մասնակցել է 15 խաղի՝ դառնալով 5 գոլի հեղինակ։
