Հայաստանի շախմատի ակադեմիայում անցկացվեց միջազգային գրոսմայստեր Արսեն Եղիազարյանի հիշատակին նվիրված կայծակնային շախմատի մրցաշար, որին մասնակցեցին նրա լավագույն սաները:
10 շախմատիստների մասնակցությամբ շրջանաձև մրցակարգով անցկացված մրցաշարի հաղթող դարձավ Շանթ Սարգսյանը՝ 9 հնարավորից վաստակելով 7,5 միավոր: Հիշեցնենք, որ նա վերջերս հաղթող էր դարձել նաև Կարեն Ասրյանի հուշամրցաշարում:
Շանթը տոնեց 7 հաղթանակ, մեկ պարտիա ավարտեց ոչ-ոքի, միակ պարտությունը կրեց 4-րդ տուրում Մանուել Պետրոսյանից: Վերջինը 6,5 միավորով զբաղեցրեց 2-րդ հորիզոնականը: 6-ական միավորով 3-4-րդ տեղերը բաժանեցին Սամվել Տեր- Սահակյանն ու Հայկ Մարտիրոսյանը:
