«Լացիոյի» մամուլի ծառայությունը հայտնել է, որ գլխավոր մարզիչ Մաուրիցիո Սարին երկարաձգել է ակումբի հետ պայմանագրի ժամկետը։

Մասնագետի ու իտալական ակումբի միջև նոր պայմանագիրն ուժի մեջ կլինի մինչև 2025 թվականի հունիսի 30-ը։

Ավարտված մրցաշրջանում «Լացիոն» 63-ամյա Սարիի գլխավորությամբ 5-րդ հորիզոնականն է զբաղեցրել Ա Սերիայում, Իտալիայի գավաթի խաղարկությունում պայքարը լքել է քառորդ եզրափակիչից, իսկ Եվրոպա լիգայում՝ դուրս մնացել 1/16-ից։