Մադրիդի «Ատլետիկոյի» ֆուտբոլիստ Սաուլ Նիգեսը մարզական կարիերան կշարունակի Լոնդոնի «Չելսիում»՝ հաղորդում է «ազնվականների» պաշտոնական կայքը:
Կողմերը կնքել են վարձակալական պայմանագիր, որի ժամկետը կգործի մինչև ընթացիկ մրցաշրջանի ավարտը:
Լոնդոնյան ակումբն իսպանացի ֆուտբոլիստի տրանսֆերը ձեռք բերելու պայմանագրային իրավունք ունի:
«Շատ ուրախ եմ, որ այսպիսի մարտահրավեր ստացա ու կարող եմ խաղալ «Չելսիում»: «Կապույտների» երկրպագուներ, հիմա ես ձեզնից մեկն եմ: Անհամբերությամբ եմ սպասում, թե երբ եմ կրելու ակումբի խաղաշապիկը»,- ասել է Սաուլը գործարքից հետո:
Գրիզմանը վերադարձավ «Ատլետիկո»
