Գերմանական «Շալկեն» պաշտոնական հայտարարություն է կատարել՝ հայտնելով, որ թիմի մարզաշապիկներից կհանվի ակումբի գլխավոր հովանավոր Gazprom-ի անվանումը:
Որոշումը պայմանավորված է Ռուսաստանի և Ուկրաինայի միջև հարաբերությունների սրմամբ: Հիշեցնենք, որ Gazprom-ը ռուսական գազարդյունաբերական ընկերություն է:
«Հաշվի առնելով վերջին օրերի իրադարձությունները, զարգացումներն ու սրացումները՝ «Շալկեն» որոշել է հեռացնել գլխավոր հովանավորի՝ «GAZPROM»-ի անվանումը թիմի մարզաշապիկներից:
Այս որոշումը կայացվել է GAZPROM Germania-ի հետ քննարկումներից հետո: Այդ անվանման փոխարեն թիմի մարզաշապիկների կրծքավանդակի հատվածում կլինի «Schalke 04» գրությունը»,- ասված է ակումբի տարածած մամուլի հաղորդագրության մեջ:
