Ինչպես արդեն տեղեկացրել ենք, «Բարսելոնան» հետաքրքրված է Ռուսաստանի հավաքականի ու Մոսկվայի «Դինամոյի» կիսապաշտպան Արսեն Զախարյանի ծառայություններով:
Ռուսական «Спорт-Экспресс»-ը հաղորդում է, որ 18-ամյա ֆուտբոլիստը հազիվ թե համաձայնի «Բարսելոնա» տեղափոխությանը, եթե անգամ ակումբից առաջարկ ստանա: Ֆուտբոլիստի մերձավորները վստահ են՝ Զախարյանի մարզական կարիերայի զարգացման համար հարթ ընթացք է պետք, իսկ «Բարսելոնա» տեղափոխությունը մշուշոտ հեռանկար է կանխատեսում խաղաժամանակի տեսանկյունից:
Զախարյանի գործակալը, անդրադառնալով թեմային, հայտնել էր, որ կատալոնական ակումբը ֆուտբոլիստի տրանսֆերի հարցով իր հետ կապ չի հաստատել: