Դորտմունդի «Բորուսիան» «Այաքսից» ձեռք է բերել կենտրոնական հարձակվող Սեբաստյեն Ալեի տրանսֆերային իրավունքը, հաղորդում է «մեղուների» պաշտոնական կայքը:
Կողմերը կնքել են 4 տարվա պայմանագիր, որի ժամկետը կգործի մինչև 2026 թվականի հունիսի 30-ը:
28-ամյա իվուարցին նոր թիմում ելույթ կունենա «9» համարի մարզազգեստով, որով խաղում էր «Մանչեսթեր Սիթի» տեղափոխված Էրլինգ Հալանդը:
There's a new #9 in town! pic.twitter.com/BEcVqPSeKK
— Borussia Dortmund (@BVB) July 6, 2022
Transfermarkt-ի համաձայն՝ գործարքի արժեքը կազմել է 31 մլն եվրո՝ եվս 4 մլն եվրո հավելավճարի հնարավորությամբ: Գործարքի արժեքը ռեկորդային է դորտմունդյան ակումբի համար:
2021/22 մրցաշրջանում Ալեն ակումբային մակարդակում անցկացրել է 42 խաղ, խփել 34 գոլ, կատարել 9 արդյունավետ փոխանցում: