«Ալաշկերտի» կիսապաշտպան Դանիլո Սեկուլիչը, որը Եվրոպա լիգայի գավաթի խաղարկության որակավորման 1-ին փուլի առաջին խաղում Հյուսիսային Մակեդոնիան ներկայացնող «Մակեդոնիայի» հետ մրցավեճում (3-1) դարձել է գոլի հեղինակ, հանդիպումից հետո պատասխանել է լրագրողների հարցերին:
«Շատ բարդ խաղ էր մեզ համար: Կարծում եմ՝ լավ աշխատանք կատարեցինք ու լավ խաղացինք: Շնորհակալություն եմ հայտնում ֆուտբոլիստներին, մարզիչներին, նախագահին, կարճ ասած՝ ամբողջ ակումբին: Մենք արժանի էինք այս հաղթանակին: Կարծում եմ՝ ավելի լավ կխաղանք Հյուսիսային Մակեդոնիայում և դուրս կգանք որակավորման 2-րդ փուլ:
Իհարկե, 3-1 հաշիվը լավ արդյունք է մեզ համար: Կարծում եմ՝ կհաղթենք նաև մրցակցի հարկի տակ: Արժանի էինք այս հաջողությանը: Միգուցե կարող էինք 1 գոլ ավելի խփել և հաշիվը դարձնել 4-1: Բայց գրանցված հաշիվն էլ ինձ գոհացնում է:
Երջանիկ եմ գոլ խփելու կապակցությամբ: Գոլ խփելն իմ աշխատանքը չէ, բայց շատ ուրախ եմ և, կարծում եմ, կցուցադրեմ լավագույն որակներս նաև մյուս խաղում: Շնորհակալ եմ բոլոր թիմակիցներիս, քանի որ չէի կարողանա մրցակցի դարպասը գրավել առանց նրանց օգնության: Շնորհակալություն յուրաքանչյուրին»,- ասել է Սեկուլիչը:
Հայկ Իշխանյան․ «Չեմ ուզում՝ այս հանդիպման հաշիվը հիշելով մասնակցենք պատասխան խաղին» (տեսանյութ)