Հայաստանի ազգային հավաքականի հարձակողական ոճի կիսապաշտպան Լուկաս Սելարայանը երկարաձգել է պայմանագրի ժամկետը «Կոլումբուս Քրյուի» հետ՝ հաղորդում է ամերիկյան ակումբի պաշտոնական կայքը:
Կողմերը կնքել են նոր՝ 3 տարվա պայմանագիր, որի ժամկետը կլրանա 2024 թվականին: Պայմանագրում ժամկետը ևս մեկ տարով երկարաձգելու կետ կա:
HERE TO STAY.#Crew96 signs @Lucazelarayan31 to new multi-year contract.
— The Crew (@ColumbusCrew) December 2, 2021
Նշենք, որ Լուկաս Սելարայանն Օհայո նահանգի թիմին միացել է 2020 թվականի մրցաշրջանից առաջ: 29-ամյա հայ ֆուտբոլիստը վերջերս արժանացավ թիմի՝ 2021 թվականի ամենաարժեքավոր խաղացողի մրցանակին:
«Վերջին երկու մրցաշրջաններում Լուկասն ապացուցել է, որ ՄԼՍ-ի լավագույններից է: Մենք ուրախ ենք նրա հետ նոր պայմանագիր կնքելու համար»,- ասել է ակումբի նախագահ և գործադիր տնօրեն Թիմ Բեզբատչենկոն:
Սելարայանն ՄԼՍ-ի կանոնավոր առաջնությունում անցկացրած 48 խաղում(40-ը՝ մեկնարկային կազմում) դարձել է 18 գոլի և 11 արդյունավետ փոխանցման հեղինակ:
Հիշեցնենք, որ Սելարայանն այս տարի իր նորամուտը նշեց Հայաստանի հավաքականի կազմում:
