Մահացու սելֆիներ շատ են եղել, իրականում մի քանի տարվա ընթացքում սելֆիների պատճառով ավելի շատ մահվան դեպքեր են եղել, քան գիշատիչների հարձակումներից, բայց լուսանկարչական այս վտանգավոր սովորությունը նույնքան «ճակատագրական» է արվեստի գործերի համար:
Euronews-ը գրում է՝ վերջերս Ռուսաստանում՝ Եկատերինբուրգի Արվեստի միջազգային կենտրոնը սելֆիի պատճառով մեծ ծախսեր է արել: Չորս երիտասարդ կին պատկերասրահի նկարների մոտ սելֆի անելու պահին կոտրել են արգելապատնեշը, ինչի արդյունքում Ֆրանցիսկո Գոյայի և Սալվադոր Դալիի մեկական կտավներն ընկել են ու ապակու պատճառով վնասվել:
Գործի առթիվ ոստիկանությունը հետաքննություն էր սկսել, սակայն պատասխանատվության չի ենթարկել կանանց: Վնասված արվեստի գործերի անուններն ու արժեքը նույնպես չի հրապարակվել:
Նյութը պատրաստեց՝ Տաթև Մանուկյան
Հետևեք մեզ նաև Instagram-ում, Twitter-ում և YouTube-ում