Իտալական Բերգամոյում գեղասահքի IceLab International միջազգային մրցաշարին մասնակցած Հայաստանի միակ ներկայացուցիչ Սեմյոն Դանիլյանցը 2-րդ տեղն է գրավել երիտասարդ մենասահորդների պայքարում։
Կարճ և կամավոր ծրագրերի հանրագումարում հայ մարզիկը վաստակել է 162,13 միավոր՝ իրենից առաջ թողնելով միայն իտալացի Մատեո Նալբոնեին։ Վերջինս իր հաշվին գրանցել է 174,03 նիշ։ Մրցանակային եռյակը 158,22 միավորով եզրափակել է ֆրանսիացի Կորենտին Սպինարը։
Նշենք, որ կարճ ծրագրում Դանիլյանցը գրանցել էր 3-րդ, իսկ կամավորում՝ 2-րդ ցուցանիշը՝ տեղեկանում ենք մրցաշարի պաշտոնական կայքից: